اوو شاره اووشن دووره ده  ئیران

گو لو  گول زاره   وَه   نام ِ  ئیلام

کوویــــه له    بَرزه   سَر  دَه   آسمان

ده شته له   مَرغه  سووزی  بی کران

که وور، شَه نه چیر، پَژمین و مانیشت

روزِه له تعتیل  دِه مه    دَه رو دِه شت

آسمانه پاک ، هوایه ناووه

سَه مِره ی   بی تاوو ، خروش آووه

مَه ردمه  پاک و صاف و صدیقن

َورد   مه مانییل   جوور    َرفیقن

شکار فره بوو ، نایابه کردن

ده بس جوور گرگ ، شکار دِه کردن

داریل ِ سه ر سوز  پر  دَه   خیراته 

وه نشکو  و   گوو جَه ؛ جوور نَباته

داره یل   بَه لو    سووزو  رَه یینن

بِه رِّه  کول وکم ، بِه رِّه  قه وونن

شار ئیلامه فرّه   گه پ    نیه

خیابانو کوچه یل ، فرّه کم نیه

مَردم   دوو له مَن ، دست و دل وازن

وَه   پوول  و دنیا هیچ وقت   نه نازن

کووخالو  و که پیل ، کول یان  رَحیلن

هر کام   یادگـــــــار ، طایفه و  ایـــلـن

شکارو گه ردین عشق و کاریان بوو

برنو، شَنگ قتار ،  جز باریان  بوو

هووره  و که زَه  ده  وییرو چه گه

پاپو تکنو هات ، جییه گـــــــرته گه

کت و گول ونی ،جیه نه مه نی

روسری بوچگ،هاته  وه َ  خَنی

دوران جنگه ، دوران گه نه بوی

دَه شار  ایمه  بوو   قِرم  و  قوی

فرار فراره  خاطره   تازه

اَرا  ئیلامی   پر  دَه  نیازه